Ngaraketkeun
Tali Silaturahim
CUNG! Saha
nu apal kabiasaan unik urang Sunda? Pasti Sobeks
arapal meureun kana kabiasaan ngaliwet. Yap, moal lengkep rasana pami
kempelan bari teu ngayakeun ngaliwet mah. Kela ari Sobeks apal teu kagiatan kumaha nu disebat ngaliwet teh? Hehe.
Gening
ngaliwet teh sanes saukur kagiatan tuang sasarengan wungkul Sob, tapi oge masakna sasarengan, udunan
keur bumbuna, sarta ngolah sawatara bahan eta pikeun jadi sangu liwet nu nikmat
oge dilakukeun babarengan. Matak dina hal ieu tiasa disimpulkeun yen kagiatan
ngaliwet tiasa mageuhkeun rasa duduluran sarta nyiptakeun kabungah dina hate nu
midamelna.
Kumaha
ari unikna ngaliwet teh? Liwet biasana sok dibaturan ku daun lalab, lauk asin,
sambel, sarta lianna kumaha karesep Sobeks.
Ngaemam liwet na oge sanes dina piring anu biasa dipake, tapi dina luhureun
daun acu anu rubak. Teras weh pada calik di sisi daun cau eta sangkan ngabentuk
semu buleud. Kumaha tah upami Sobeks
di handap ieu ngamaknaan kagiatan ngaliwet?
Fahrul
Maulana Muhammad, murid kelas XII Animasi I SMK Pasundan 2 Cianjur ngungkabkeun
yen ngaliwet teh tos janten kabiasaan anu narep di kalangan urang Sunda, Sob. Cenah, moal rame ririungan lamun
henteu ngayakeun ngaliwet. “Yeuh ririungan tampa ngaliwet teh lir ibarat sayur
teu diuyahan. Janten, asa kirang nikmat kitu tah pami teu ngaliwet tea mah,
hehe,” pokna ka Tim Ekspresi Cianjur
Ekspres, teu acan lami.
Fahrul
oge nyaritakeun kumaha pangalamanna waktos ngaliwet, Sob. Bisa mageuhkeun tali silaturahim sarta nyiptakeun rasa
kabungah dina hate. “Komo wae atuh mindeng ngaliwet mah, resep teh ririungan ngaemam
sangu liwet eta bari dibaturan ku lalab jeung lauk asinna. Pokona mah mantep
pisan,” tambihna.
Komentar
kadua didugikeun ku Arif Zamzam Zulfikar, murid kelas XI IPA SMAN 2 Cianjur. Anjeunna
ngutarakeun yen ngaliwet teh biasana sok babarengan sobat atanapi kulawargi. “Abdi
mah ngayakeun ngaliwet teh pami aya acara sareng sobat kelas, tiasa eta waktos
diajar sasarengan di bumi rerencangan atanapi di tempat kaulinan. Upami sareng
kulawargi mah, resepna waktos liburan, nembe tah ngayakeun ngaliwet sing nikmat,
hehe,” ucapna.
Benten
halna sareng murid kelas X IPS SMAN 1 Cianjur, Ricky Ramdani nyarioskeun cenah ngaliwet
teh ngagaduhan nilai budaya. Budaya nu ciga kumaha, Sob? “Enya pan ngaliwet teh ayana sok dina acara kempelan. Tah
supados jalmi anu aya dina kempelan eta silih nguatkeun rasa kanyaah sarta mageuhkeun
tali silaturahim mangka diayakeun tah ngaliwet eta,” paparna.
Teras
Ricki oge ngungkabkeun harepanna sangkan kabiasaan ngaliwet khasna urang Sunda
teh ulah nepi ka leungit. Ulah isin najan ngaemam sangu liwet bari jeung lauk
nu sakadarna. “Salaku urang Sunda hayu urang ngusahakeun ngajaga kabiasaan anu
positif ieu. Ulah ditingali tina eusi liwetna tapi tingali tina maknana,”
pungkesna.(zedi/smkpasundan2cianjur)
Tidak ada komentar:
Posting Komentar